14.12.2021

Oyðubløð til ársfrásøgn 2021

Oyðubløðini at nýta í sambandi við innlating av ársfrásøgn fyri 2021 eru nú dagførd.

Talan er um oyðubløð til lívstryggingarfeløg og eftirlønargrunnar, skaðatryggingarfeløg og samtøkur. Hvør fíla inniheldur fíggjarstøðu, rakstrarroknskap og 5-ára yvirlit.

Tá ið ørkini eru opnað frá heimasíðuni hjá Tryggingareftirlitinum, er neyðugt at goyma fíluna á egnari teldu ella teldukervi, og síðani tøppa tølini inn. Neyðugt er at tøppa tøl inn í allar teir ljósabláu puntarnar (tó ikki noturnar). Um eingin upphædd er fyri nevnda roknskaparpost, skal 0 tøppast inn.

Tað ber ikki til at goyma fíluna á heimasíðuni hjá Tryggingareftirlitinum ella at lata upplýsingarnar inn umvegis heimasíðuna. Fílurnar skulu sendast við telduposti til tryggingareftirlitid@tryggingareftirlitid.fo

Eru spurningar ella ivamál ber til at venda sær til Tryggingareftirlitið á tlf. 356020.

Broyting í mun til undanfarna ár:

Tøl fyri bæði roknskaparár og samanberingarár skulu nú vera í heilum 1.000 kr. Fyrr skuldi roknskaparár vera í krónum, meðan samanberingarárið skuldi vera í 1.000 kr.

Leinkja:

Oyðubløð - árs- og hálvársfrásøgn